अमेरिकामा जुरी अवार्ड जित्यो ‘हाइवे टु धम्पुस’ले

फिल्म ‘हाइवे टु धम्पुस’ले न्युयोर्कको सोहो फिल्म फेस्टिभलमा उत्कृष्ट फिल्मको उपाधि हात पारेको छ । राजबल्लभ कोइरालाको अभिनय रहेको सो फिल्मले ‘वल्र्ड सोकेस’ क्याटोगोरीमा जुरी अवार्ड हात पारेको हो । कोइरालाले सामाजिक सन्जालमा स्ट्याटस पोस्ट गर्दै फिल्मले पाएको उपलब्धि सेयर गरेका हुन् ।

‘नराम्रा समाचार बीचमा सुखद खबर छ । फिल्म हाइवे टु धम्पुसले सोहो फिल्म फेस्टिबेलमा ‘बेस्ट फिचर वल्र्ड सो केस’अवार्ड जितेको छ,’कोइरालाले लेखेका छन् । गत मंगलबार फिल्म सो फेस्टिभलमा देखाईएको थियो । फिल्मले सोही अवसरमा नेपालका भूकम्म पीडितका लागि च्यारिटी पनि गरेको थियो । फिल्मको टिकट बिक्रिबाट उठेको सम्पूर्ण रकम नेपालका भूकम्प प्रभावितका लागि प्रदान गर्ने गरी गरिएको सोमा करिब तीन हजार डलर अर्थात तीन लाख संकलन भएको थियो ।

                                                                                          highway-

हाइवे टु धम्पुसले फरक फरक दुनियाँका थुप्रै चरित्रहरुको यात्राको कथा पेश गर्छ । अन्नपूर्ण हिमालको यात्रामा आएकी ब्रिटिश युवतीले नेपालको बाल आश्रममा लक्ष्मी नामकी युवतीलाई भेटेपछि विदेशी युवतीमा आउने परिवर्तन र उसले त्यहाँका चरित्रमा ल्याउने परिवर्तनलाई फिल्मले विषय बनाएको छ । राजबल्लभ कोइरालाले फिल्ममा पाइलटको भूमिका निभाएका छन् ।

प्रतिक्रिया दिनुहोस्: