आफैंलाई सम्हाल्नुको विकल्प के छ र ?

 कविता

                                                                                                                                                                                                                 – बलराम तिम्सिना (बिप्लब)                                                               

    biplap dai

              आफैंलाई सम्हाल्नुको विकल्प के छ र ?
उठिदैन सँधैभरि परी अरुको भर
डराएर डरै बढ्छ हराउन्न डर
उठ आफ्नै खुट्टा टेकी हिड्ने कोशिस गर
आफैंलाई सम्हाल्नुको विकल्प के छ र ?

        वेला वेला आपद(विपद आइरहन्छन
मानिसले हण्डर ठक्कर पाइरहन्छन
जस्तै ठूलो त्रासदीले तर्साउँदा पनि
जिन्दगीकै गीत सँधै गाउँने कोशिस गर
साथ लेऊ संसारकै भर आफ्नै पर
आफैंलाई सम्हाल्नुको विकल्प के छ र ?

            हरेक ठूला विपत्तिले मौका बोकी ल्याउँछन
वुध्दिमानले त्यही मौका समाउँन भ्याउँछन
जति भाग्यो विपत्तिले झनै खेद्दै लान्छ
यस्लाई नि युध्द सम्झ लड्ने हिम्मत गर
ठड्याउनु पर्छ हाम्रो भत्किएको घर
आफैंलाई सम्हाल्नुको विकल्प के छ र ?

          विपतसँग जुध्दै आयो हाम्रो मानव जाति
जति जित्यो त्यति त्यति आइपुग्यो माथि
विपत्तिमा हराएर गयो डाइनोसर
जित्नु पर्छ नेपाली हो उठ लागिपर
आफैंलाई सम्हाल्नुको विकल्प के छ र ?
                                                                                                              ( लेखक: एमाओवादीका केन्द्रिय सदस्य हुन )

प्रतिक्रिया दिनुहोस्: