कांग्रेस संसदीय दलमा अमरेशलाई कारबाही गर्न माग

amresh kumarकाठमाण्डौ । मधेसवादी दलहरुसँग मिलेर भारतीय दूताबास गरेको भन्दै कांग्रेस सभासदहरुले अमरेशुकमार सिंहलाई कारबाहीको माग गरेका छन् । शनिबार बसेको कांग्रेस संसदीय दलको बैठकमा सभासद केशव बुढाथोकीले पार्टी सभासद सिंह भारतीय दूताबास गरेको विषयमा प्रश्न उठाएका थिए ।

‘पार्टीले पठाएका हुन् कि के हो भनेर प्रश्न गरेका हुँ’ बुढाथोकीले भने(‘अमरेश कसको मानिस हो । कहिले मधेसवादी दलहरुसँग जाने, कहिले अराजक गतिविधि गर्ने यस्ता मानिसलाई किन कारबाही हुँदैन ?

बद्री पाण्डे, भिष्मराज आङदाम्बे लगायतका सभासदले पनि सिंहलाई कारबाही गर्न माग गरेका छन् । तर, पार्टी सभापति एवं प्रधानमन्त्री सुशील कोइरालाले कुनै जवाफ नदिएको एक सभासदले बताए । बैठकमा सिंह भने अनुपस्थित थिए । कांग्रेस सभासद सिंहले आफू भारतीय दूताबास गएको स्वीकार गरेका छन् ।

प्रतिक्रिया दिनुहोस्: