युनिटीका सञ्चालक क्षेत्री दाजुभाइ पक्राउ

unity-lifeकाठमाण्डौ । अर्बौ रुपैयाँ ठगी गरेर फरार भएका युनिटी लाइफ इन्टरनेशनलका सञ्चालक विष्णु क्षेत्री र कृष्ण क्षेत्री पक्राउ परेका छन् । महानगरीय प्रहरी अपराध महाशाखाको टोलीले क्षेत्री दाजुभाइलाई नेपाल भारतको सीमा क्षेत्र गड्डा चौकीबाट पक्राउ गरेको हो ।

क्षेत्री दाजुभाइलाई पक्राउ गरेकोबारे जानकारी दिन प्रहरी अपराहृन ५ बजे पत्रकार सम्मेलन गर्दैछ । क्षेत्री दाजुभाइ भारतमा लुक्दै आएका थिए । हालै मात्र कृष्ण केसीले आफ्नो दाजु विष्णुको गोली हानी हत्या भएको भन्दै सामाजिक सञ्जाल फेसबुकमा अफबाह फैलाएका थिए ।

गैरकानुनी रुपमा बैंकिङ, इन्स्योरेन्स लगायतका आर्थिक गतिविधि सञ्चालन गरेर सार्वसाधारणको अर्बौं ठगेको भन्दै सरकारले चार वर्ष अघि कारबाही सुरु गरेको थियो । युनिटी ठगी प्रकरणमा अध्यक्ष काशी गुरुङ यसअघि नै पक्राउ परेपनि क्षेत्री दाजुभाइ फारर थिए ।

प्रतिक्रिया दिनुहोस्: