बैंकको ब्याज अहिलेसम्मकै न्यून एक प्रतिशतमा र्झयो

download (5)काठमाण्डौ । बैंकमा अत्यधिक पैसा थुप्रिएपछि र त्यो अनुपातमा कर्जा नगएपछि साधारण निक्षेपको ब्याज अहिलेसम्मकै न्यून एक प्रतिशतमा झरेको छ। लगातार घट्दै गएको निक्षेप ब्याजदरले बैंकमा पैसा राख्दा ब्याजमार्फत अन्त्यन्त न्यून रकम प्राप्त हुने भएको छ। अन्नपूर्ण पोस्ट दैनिकमा समाचार छ।

नेपाल राष्ट्र बैंकका पूर्वडेपुटी गभर्नर महाप्रसाद अधिकारी निक्षेपको ब्याजदर यसरी ओरालो लाग्नु अर्थतन्त्रका लागि राम्रो संकेत नभएको बताउँछन्।

नेपाल बैंकर्स एसोसिएसनका पूर्व अध्यक्ष अशोक राणा बैँकमा अत्याधिक लगानी योग्य रकम भएका कराण निक्षेपमा न्यून ब्याजदर दिनु परेको बताउँछन्। भारतीय नाकाबन्दीपछि बैंकहरुमा कर्जामा अघिल्लो वर्षमा जस्तो माग छैन, विदेशबाट आउने रेमिटेन्स बढ्दै गएको तथा कर्जाको माग नभएका कारण बैकहरुसँग पर्याप्त पैसा छ। यसले गर्दा बैँकहरुले निक्षेपको व्याजदर अहिलेसम्मकै न्यून एक प्रतिशतमा झारेका हुन्।

बैंक तथा वित्तीय संस्थामा कर्जाको माग आयातमा आधारिक क्षेत्रमा बढी हुने गरेको छ । सामान आयात गर्न दिने कर्जा र त्यो खरिदका लागि दिने कर्जाको अनुपात बढी छ । भारतीय नाकाबन्दीपछि आयात व्यापार खस्केको छ । सामान नआएका कारण खरिदमा दिने कर्जाको माग छैन् ।

प्रतिक्रिया दिनुहोस्: