भारत–ईयु वक्तव्यको कांग्रेस–मोर्चाद्वारा समर्थन

Congress-Flagकाठमाण्डौं । भारत र युरोपेली युनियन(ईयु) ले संयुक्त विज्ञप्तिमार्फत नेपालको संविधानबारे प्रतिकूल टिप्पणी गरेको भन्दै सरकार र वाम दलबाट तीब्र आलोचना भइरहँदा प्रमुख पतिपक्षी नेपाली कांग्रेस र मधेसी मोर्चा विज्ञप्तिको समर्थनमा देखिएका छन् ।

नेकपा मालेका अध्यक्ष एवं उपप्रधानमनत्र सीपी मैनालीले भारत र इयुको टिप्पणी र व्यवहारलाई नेपालीमाथिको हस्तक्षप बताएका छन् । तर सर्वा्धिक मतद्वारा नेपाली कांग्रेस केन्द्रीय समिति सदस्य चुनिएका डा. शेखर काइरालाले नेपाली सार्वभैमितालाई पुनःपरिभाषित गर्नुपर्ने अडान लिएका छन् ।

कांग्रेसका अन्य नेताबाट भारत र ईयुको संयुक्त वक्तव्यबारे आधिकारिक प्रतिक्रिया नआएपछि पार्टी नेता रामचन्द्र पौडेलसँग सम्पर्क गर्दा उनले यसबारे सभापति शेरबहादुर देउवासँग सम्पर्क गर्न आग्रह गरे ।

पौडेलको मौनता र कोइरालाको अभिव्यक्तिले भारतीय कूटनीतिक तहबाट अनौपचारिक रुपमा ‘नेपालको सार्वभौमसत्ताबारे बहस आवश्यक छ,’ भन्ने अभिव्यक्तिको अनुमोदन गर्छ । आन्दोलनरत मधेसी मोर्चाका नेता एवं सद्भावना अध्यक्ष राजेन्द्र महतोले भने संविधान निर्माणमा भारतको उपेक्षा गरेबापत नेपालले खेप्नुपर्ने स्वभाविक प्रतिक्रिया ब्रसेःसबाट आएको बताएका छन् ।
आजको अन्नपूर्णमा समाचार छ ।

प्रतिक्रिया दिनुहोस्: