बिर्तामोडमा प्रथम जिल्ला स्तरीय नक–आउट फुटवल प्रतियोगिता हुने

मेचीखवर अनलाइन । बिर्तामोड
बुट्टावारी युनाइटेड क्लव बिर्तामोड–६ को आयोजनामा झापामा प्रथम जिल्ला स्तरीय नक–आउट फुटवल प्रतियोगिता २०७७ हुने भएको छ ।
चैत २६ गतेदेखि वैशाख २ गतेसम्म बिर्तामोड नगरपालिका–६ स्थित वुट्टावारीमा प्रतियोगिता हुने क्लवले आइतवार बुट्टावारीमा पत्रकार सम्मेलन गरी जानकारी दिएको हो । क्लवका अध्यक्ष हिमाल कन्दङ्वाको अध्यक्षतामा भएको कार्यक्रमको प्रमुख अतिथि बिर्तामोड नगरपालिका–६ का अध्यक्ष सुर्यप्रसाद कन्दङ्वा रहेका थिए ।

प्रतियोगितामा आयोजक समुहसहित मनास्लु युवा क्लव काँकडभिट्टा, फुटवल ट्रेनिङ सेन्टर, इलेभेल साइनिङ्ग स्टार, सैनिक युथ क्लव, जलथल फुटवल क्लव, बिर्तामोड युनाइटेड क्लव, शिवसताक्षि फुटवल क्लव गरेर ८ समुहविच प्रतिस्पर्धा हुने क्लवका अध्यक्ष कन्दङ्वाले जानकारी दिए । उनले स्थानीय स्तरका खेलाडीलाई राष्ट्रिय तथा अन्र्तराष्ट्रिय स्तरमा पुर्याउने उदेश्यले प्रतियोगिता आयोजना गरिएको जानकारी दिए ।

प्रतिस्पर्धामा प्रथम हुने टिमलाई नगद ५५ हजार ५ सय ५५ रुपैयाँ र दोस्रो हुने टिमलाई नगद ३३ हजार ३ सय ३३ रुपैयाँसहित आकर्षक सील प्रदान गरिने क्लवकी सचिव धनसरी राईले जानकारी दिइन् । त्यसैगरी प्रत्येक दिन म्यान अफ द म्याचलाई २ हजार, फाइनल खेलको समयमा वेष्ट कोच, वेष्ट प्लेयर, वेष्ट डिफेन्स, वेष्ट गोलकिपर, वेष्ट हाईहेष्ट स्कोर र वेष्ट मिडफिल्डरलाई नगद ५ हजार पुरस्कार प्रदान गरिने जनाइएको छ । प्रतियोगिता हरियाली सामुदायिक वनको खेल मैदानमा हुने जनाइएको छ । प्रतियोगिताका लागि ५ लाख अनुमानित खर्च हुने आयोजकले जनाएको छ ।

२०७५ सालमा स्थापना भएको क्लवले आम युवाहरुको सर्वाङ्गीण विकास र विस्तार र समाजमा युवाहरुको नेतृत्वको बिकासका निम्ति ‘युवा जागरुकता आजको आवश्यकता’ भन्ने मुल नारालाई आत्मा साथ गर्दै समाजका विविध क्षेत्रहरुमा युवाहरुको सक्रिय सहभागिता गराउँदै आएको क्लवले जनाएको छ ।

प्रतिक्रिया दिनुहोस्: