प्रतिबन्धित औषधी सहित तीन पक्राउ

दमक । मोरङकाे उर्लाबारी नगरपालिका ५ स्कुल डाँडाबाट प्रहरीले प्रतिबन्धित औषधी सहित तीन जनालाई पक्राउ गरेको छ ।

पक्राउ पर्नेमा उर्लाबारी नगरपालिका ४ चौबाटोका २४ बर्षीय कृष्ण उराँउ, पथरी शनिश्चरे नगरपालिका ३ का २२ बर्षीय अर्जुन राई र बेलबारी नगरपालिका १० का शिबकुमार कार्की रहेका छन् ।
आइतबार बेलुका ५ बजे ईलाका प्रहरी कार्यालय उर्लाबारीको प्रहरी टोलीले उनीहरुलाई प्रतिबन्धित औषधि Tramadol ४१७ क्याप्सुल र Spaspain–४१७ क्याप्सुलसहित पक्राउ गरेको हो । पक्राउ परेका तीनैजना माथि थप अनुसन्धान भईरहेको प्रहरीले जनाएको छ ।

प्रतिक्रिया दिनुहोस्: