बिर्तामोड-७ बस्ने डिल्लीबहादुर खड्काले ब्राउन सुगर सेवन तथा बिक्री गरेको सूचनाका आधारमा प्रहरीले उनलाई बिर्तामोडस्थित हनुमान कम्प्लेक्स अगाडिबाट दिउँसो २ बजे पक्राउ गरेको थियो । पक्राउ परेका खड्काको जानकारीका आधारमा अरू थप दुई जना पक्राउ परेका हुन् ।
पछि पक्राउ पर्नेमा बिर्तामोड-९ बस्ने मोहन टुडू र सोही ठाउँका सोम मर्डी रहेका छन् । टुडू र मर्डीलाई प्रहरीले बिर्तामोड– ३ बिर्ताबजारस्थित गोसलाइनबाट बिहीबार साँझ ४ बजे पक्राउ गरेको प्रहरी स्रोतले जनाएको छ । उनीहरूको साथबाट प्रहरीले ९८ ग्राम २४० मिलिग्राम ब्राउन सुगर बरामद गरेको छ ।
उनीहरू लागू औषध प्रयोगकर्ता तथा कारोबारी भएको जनाइएको छ । साथै प्रहरीले उनीहरूले चलाउँदै आएको २ वटा मोटरसाइकल र १ वटा स्कुटर पनि नियन्त्रणमा लिएको छ । उनीहरूलाई थप अनुसन्धानका लागि इलाका प्रहरी कार्यालय बिर्तामोडमा राखिएको छ ।
