विराटनगर । पूर्वको प्रतिष्ठित मध्येको विराट गोल्डकपको आठौँ संस्करण आगामी चैत १५ गतेदेखि सञ्चालन हुने भएको छ । प्रतियोगिता विराटनगरस्थित सहिद रंगशालामा १० दिनसम्म प्रतियोगिता हुने ट्रष्टका अध्यक्ष किशोर शाहीले बताए ।
फ्लड लाइटको प्रयोग गरी रात्रिकालीन हुने प्रतियोगितामा सहभागी हुने टिमको छनोट प्रक्रिया जारी रहेको जनाइएको छ । प्रतियोगितामा १० वटा क्लबको सहभागिता हुने सम्भावना रहेको जनाइएको छ ।
तीनवटा विभागीय टिमहरु त्रिभुवन आर्मी, नेपाल पुलिस क्लब र सशस्त्र प्रहरी बल ९एपिएफ०, ए डिभिजनका क्लबहरु साथै भारत र भुटानको टोली सहभागी हुने सम्भावना छ । प्रतियोगिताको उपाधि विजेताले ११ लाख रुपैयाँसहित ट्रफी प्राप्त गर्नेछ भने उपविजेता टिमले ५ लाख रुपैयाँ प्राप्त गर्नेछ ।
२०१८ सालदेखि तत्कालीन राजा महेन्द्रको नामबाट सुरु गरिएको ‘महेन्द्र गोल्डकप’ २०६२(०६३ सालको जनआन्दोलनपछि नाम परिवर्तन गरेर २०६८ सालबाट विराट गोल्डकपको नामबाट सञ्चालन हुँदै आएको छ ।
प्रतियोगिताको गत वर्षको संस्करणमा विराटनगर फुटबल क्लब विजेता बनेको थियो । भारत केरलाको लुका सकर क्लब उपविजेता बनेको थियो ।
